260 Hoaks Saputa Vaksin Covid-19 Ditamuan Kominfo

FOTO: Target Vaksinasi COVID-19 DKI Jakarta — Petugas Puskemas Kampung Melayu menunjukkan vaksin COVID-19 saat pelaksanaan vaksinasi terhadap warga Kebon Pala, Jakarta, Jumat (18/6/2021). Presiden Joko Widodo mengingatkan Pemprov DKI Jakarta untuk mengejar target vaksinasi 7,5 juta warga sampai Agustus 2021. (Liputan6.com/Faizal Fanani)

Liputan6.com, Padang - Hoaks saputa vaksin Covid-19 yang baredar di media sosial samakin baragam bantuaknyo, kondisi iko akan manurunan tingkek picayo masyarakat untuak divaksin.

Kementerian Komunikasi dan Informatika (Kominfo) mancatat, tamuan hoaks tentang vaksin Covid-19 mancapai 260, dengan sebaran di media sosial mancapai 1.870 sampai Jumaik (23/7/2021).

Sebaran hoaks saputa vaksin Covid-19 itu maliputi Facebook sabanyak 1.702, Instagram 11, Twitter 99, Youtube 41 dan TikTok 17.

Dibandiang Kamis (22/7/2021) sebaran hoaks itu indak mangalami kenaikan, katiko itu sabanyak 1.870 konten hoaks vaksin Covid-19 ditamuan di banyak platform media sosial.

Urang Kementerian Kominfo alah malakuan penghapusan 1.870 informasi hoaks itu.

Salah satu hoaks yang baredar tentang vaksin itu adonyo barcode di vaksin Covid-19 yang mangontrol urang sampai mati.

Hasil panalusuran Cek Fakta Liputan6.com, barcode di vaksin Covid-19 yang dikecean mangontrol manusia sampai mati itu indak batua. Barcode di vaksin itu untuak malacak vaksinnyo, bukan mangontrol posisi manusia yang disuntikkan vaksin.

Artikel berbahasa daerah ini bagian dari program Liputan6.com memerangi hoaks.

* Untuk mengetahui kebenaran informasi yang beredar, silakan WhatsApp ke nomor 0811 9787 670 hanya dengan ketik kata kunci yang diinginkan.

Simak video berikut ini:

Liputan6.com berkomitmen terus melawan hoaks yang penyebarannya semakin masif, dengan meluncurkan layanan Chatbot Liputan6 Cek Fakta, pada 21 Juni 2021.

2 dari 2 halaman

Tentang Cek Fakta Liputan6.com

Malawan hoaks samo jo malawan pembodohan. Untuk itulah kami mambuek Kanal Cek Fakta Liputan6.com 2018 lalu, dan sampai kini kami aktif maagiah literasi media ka masyarakat.

Sajak 2 Juli 2021, Cek Fakta Liputan6.com bagabuang dalam International Fact Checking Network (IFCN) dan menjadi patner Facebook.

Kami jadi bagian dari insiatif cekfakta.com, bakarajo samo jo pihak manopun, tapi indak mampangaruhi indepedensi kami.

Kok uda/uni atau masyarakat yang punyo informasi saputa hoaks yang nio manalusuri jo diverifikasi, buliah manyampaian di email sekfakta.liputan6@kly.id.

Nio capek dapek jawaban? Hubungi Chatbot WhatsApp Liputan6 Cek Fakta di 0811-9787-670 atau klik tautan iko.