Kön Cilèt-cilèt Tengku, Liputan6.com Geuputubit Cara Pariksa Hoak lewat We-a

Chatbot WA Cek Fakta. (dok. KLY/Liputan.com)

Liputan6.com, Aceh - Nibak uröe nyöe, watèe gelumbang teknologi ènternet jameun mödren neu prôh teuma lè jih nyang nan jih bakat ènformasi, nyang geuthat jai lagèe bijéh pasie di binéh la'ôt raya—han mungkén ta bileueng, atawa 'tak terkira', lagèe cinta abang Midun u adek Fatimah—kadang na sidröe atawa dua dröe ureung nyang teujeubak ngon ènformasi nyang hana beuthöi atawa lagèe nyang awak kuta kheun sebago 'hoak.' Nyang paléh löm, hana pih na useuha geucèk pu beuthöi atawa salah ènformasi nyan.

Peukateun model lagèe nyan sesunggôh jih ka Allah larang lagèe nyang na lam firman Rabbana surah Al-Hujurat ayat 6. Lam ayat nyan Allah ka geubri peusan bahwa geutanyöe peureulèe ta teliti dilèe saböh haba nyan, mangat bèk göb laén nyang seungsara seubab saböh haba nyang göh löm teuntèe bethôi, tapi kaleuh geuseubar ju ban sigöm dönya.

Istilah jih, han beda lagèe nyang ka tersurat lam saböh hadih maja:

"Tajak beutrôh takalön beudeuh, bek rugöe meuh haté sakét." Meunan keuh su hadih maja nyan.

Arti jih, haba nyang ta teumè barang kahö nyan geuthat bethôi-bethôi ta teupu, ta teuliti, atawa ta loh, dari panè uram jih. Bèk-bèk, rupa jih nyan haba 'hoak', ka palö!

Pu löm, bak masa ta'eun Corona nyöe, geuthat jai ènformasi nyang kadang-kadang hana meupat-pat teuntèe ujông ngon pangkai. Na ingat, awai thôn 2021, sidröe syèdara geutanyöe asai Simeulue ka keunöng sawök lè peulisi seubab guetulèh lam akun fesbuk dröe jih bahwa ubat ta'eun Corona 'sinovac' nyan hareuem hukôm jih.

* Untuk mengetahui kebenaran informasi yang beredar, silakan WhatsApp ke nomor 0811 9787 670 hanya dengan ketik kata kunci yang diinginkan.

Saksikan Video Pilihan Berikut Ini:

Heboh Banjir Ikan Lele di Jalan Raya Wadaslintang

2 dari 2 halaman

Chatbox WhatsApp Liputan6.com

Karena geuthat jai nyang model lagèe nyan, Liputan6.com ka dipeusiap saböh cara nyang nan jih 'Chatbox WhatsApp Liputan6.com Cek Fakta nyang ka aktif mulai Rabu, 23 Juni 2021. Bukön cilèt-cilèt, tapi nyöe cara barôe, mangat geutanyöe jeut cek ènformasi bak ènternet röt WhatsApp atawa we-a.

Geukeun lé Pang Ulèe Tuléh-Teumuléh Liputan6.com, Irna Gustiawati, seungaja neupiléh we-a kareuna nyan saböh aplikasi nyang ureueng ban sigöm dönya paléng tupu dan neupakèk, dari dum aplikasi laén nyang na. Nyang geupakèk trôk 150 juta.

"Indonesia pih i tamong lam lhèë negara dengön peumakék paleng ramè di dönya," kheun lè cut kak nyan, watèe phôn neulambông Chatbox WhatsApp Liputan6.com Cek Fakta, Rabu (22/6/2021).

Keu syèdara ban mandum nyang h'eut, cara jih meunö:

1. Phôn teukon Cek Fakta atawa jeut neusimpan langsung numboi jih bak 08119787670.

2. Lheuh nyan, teukon kirém, kareuna ka na tulésan awai nyang tersedia dari chatbox 'halo.' Enteuk ka na jawaban otomatih dari chatbox nyang akan geutanyöe teurimöng, geukeun,