Lamaknyo Mancucuik Langkitang Sambia Mancaliak Matohari Tabanam di Pantai Padang

Liputan6.com, Padang - Bagi urang Padang, Sumatera Barat, namo langkitang mungkin indak asiang di talingo. Tapi indak baitu jo urang dari lua provinsi iko, masih banyak nan alun tahu jo yang namonyo langkitang.

Langkitang mirip keong atau cipuik, tapi cangkang langkitang labiah panjang dan ramping. Biasonyo langkitang dimasak pakai kuah gulai nan padeh.

Kalau dunsanak sadang berwisata ka Padang, jan lupo mancucuik langkitang di Pantai Padang. Mancarinyo indak susah do, hampia di sapanjang Pantai Padang ado urang manjua langkitang ko.

Raso langkitang yang dijua di Pantai Padang gurih dan nikmat. Batambah nikmatnyo kalau makan langkitang samo kawan-kawan atau keluarga sambia mancaliak matohari tabanam.

Uniknyo, makan langkitang ko harus dicucuik atau diisok. Bagi dunasanak nan alun pernah mancubo mungkin sulik saketek.

Salah seorang wisatawan di Pantai Padang, Winda mengatokan inyo baru partamo kali mancubo langkitang ko.

Katonyo, raso langkitang ko unik, dagiang langkitang nan kenyal mirip jo kerang. Tambah lamak karano kuah gulainyo nan gurih.

"Lamak dan nan lasuah tu caro makannya, dicucuik tapi indak samudah itu lo do," kecek Winda.

Saporsi langkitang dijua Rp5.000, cukuik murah ndak untuk menikmati langkitang sambia mancaliak matohari tabanam di Pantai Padang.

Berita tersebut menggunakan Bahasa Minangkabau, Sumatera Barat. Penggunaan bahasa daerah ini dalam rangka memperingati Hari Sumpah Pemuda dan perayaan Bulan Bahasa, menghargai keragaman Indonesia.